Առաքելոց վանք

Միջնադարյան Առաքելոց վանքը կառուցված է եղել Տավուշի մարզի Կիրանց (Գետաշեն) գյուղից 3կմ արևմուտք, Կիրանց գետակի ձախափնյա բլրակի վրա։ Բարձր բրգավոր ու հաստ պարիսպներով շրջապատված վանքը բաղկացած է երկու եկեղեցուց, գավթից, բնակելի և օժանդակ շենքերից։ Գլխավոր եկեղեցին (XIIIդ.) պատկանում է «գմբեթավոր սրահ» կոչվող կառուցվածքների շարքին։ Դռան վրա կա 1245 թվակիր արձանագրություն։ Փոքր եկեղեցին (XIVդ.) քառանկյուն հատակագծով, միանավ բազիլիկ տիպի շինություն է։ Արժեքավոր է Ս.Կարապետ կոչվող բարդ հորինվածքի զարդաքանդակներով դրվագված խաչքարը։