| ||||||||
|
| Մեր վեբ-ստուդիան |
 |
 |
Արթիկ քաղաքի մշակութային հուշարձաններ (IV-VIIդդ.)
Մարզը - Շիրակ
 |
Շատինվանք (Xդ.)
Մարզը - Վայոց Ձոր
 |
 |
Հայրավանք (IX-XIIդդ.)
Մարզը - Գեղարքունիք
 |
Ս.Զորավար եկեղեցի (VIIդ.)
Մարզը - Կոտայք
Հետաքրքիր միջոցառումներ
Տեսարժան վայրերի ցանկը → Տող | ||||||||
Տող գյուղի պատմական հուշարձաններ Մարզը - Արցախ | ||||||||
Տող գյուղը գտնվում է Արցախի Հադրութի շրջանում: Պատմական աղբյուրներում Տող բերդաքաղաքը հանդես է գալիս արաբական զավթիչների դեմ հայ ժողովրդի մղած պայքարի ժամանակներից: Բազմաթիվ խաչքարերը և տապանաքարերը, եկեղեցիները և հին ամրոցները, դղյակները, քարանձավները, արտադրական և կենցաղային բնույթի տարբեր կառույցները, որոնք գտնվում են գյուղում և մոտակայքում, Տողի պատմական մեծ նշանակության վառ ապացույցներն են: Սուրբ Ստեփանոս եկեղեցին գտնվում է գյուղի հարավ-արևմտյան մասում, ընդարձակ գերեզմանոցի մոտ: Ժամանակակից եկեղեցու տեղում գոյություն է ունեցել ավելի հին կառույց, ենթադրաբար դա եղել է հեթանոսական տաճար: Եկեղեցու պատերի մեջ տեղադրված են բազմապիսի զարդաքանդակներով զարդարված 51 խաչքար: Գերեզմանոցի հյուսիս-արևմտյան մասում, զառիվեր լանջին, գտնվում է Կուսանաց անապատ կոչվող եկեղեցին, որը գրեթե կիսով չափ ծածկված է հողով: Պատերի մոտ նկատելի են վանական խցերի հետքերը: Եկեղեցու միակ արձանագրությունը արված է մուտքի վերևում տեղադրված խաչքարի վրա. «Սուրբ Վարդանի Խաչ»: Հավանաբար, եկեղեցին նույնպես կոչվել է Սուրբ Վարդանի անունով: Ավարայրի ճակատամարտի հերոս` Վարդան զորավարի անունը սրբություն է եղել ժողովրդի համար և Հայաստանի տարբեր շրջաններում նրա պատվին կառուցվում էին եկեղեցիներ, մատուռներ և խաչքարներ: Սուրբ Հովհաննես եկեղեցին (XIIIդ.) գտնվում է Տողի կենտրոնում և բավականին լավ է պահպանվել: Եկեղեցին շրջապատված է քարե պարիսպով: Պարսպի հարավ-առևելյան անկյունում գտնվող աշտարակից հիանալի տեսարան բացվում գյուղի և շրջապատի սարերի ու դաշտերի վրա: Եկեղեցու ներսում, բակում և շրջակայքում պահպանվել են բազմաթիվ տապանաքարեր: Դիզակի մելիքների երկհարկ ապարանքը իրենից ներկայացնում է հետաքրքիր ճարտարապետական համալիր: Այն գտնվում է Տողի կենտրոնական մասում և ունի ուղղանկյուն հատակագիծ (38x13,2մ): Առաջին հարկը կառուցվել է XVIIIդ. 20-30-ական թթ., իսկ երկրորդը` XIXդ.: * * * Տողում, հատկապես նրա հին այգիներում, հաճախ են հանդիպում փոքրիկ հին գինեգործարաններ մեծ կարասներով: Սովորույթի համաձայն երեխայի ծննդյան օրը նրա ծնողները հողի մեջ էին թաղում կարմիր գինով լի կարաս (դրանց տարողությունը սովորաբար կազմում էր 150-300 լիտր): Այդ կարասները բացում էին 15-20 տարի անց, երեխայի հարսանիքի օրը: Մեկ այլ սովորույթի համաձայն, որդուն պատերազմի ուղարկելուց, նրա պատվին ծառ էր տնկվում: Դարերի ընթացքում այդ ծառերը վերածվել են ընդարձակ այգիների և կյանք են տվել երբեմնի քարքարոտ լանջերին: |
| |||||||
|
|
Ուղևորվում ենք Տավուշի մարզի ամենագեղեցիկ վայրերից մեկը` Լաստիվեր: Ենոքավան գյուղի ձիարշավարանի մոտից, գեղատեսիլ ձորի եզրով իջնելու ենք երկհարկ քարանձավներ: Քարանձավներից կքայլենք դեպի ջրվեժներ, որտեղ կարող ենք լողանալ ու կանգնել ուժեղ հոսանքների տակ: Գետի ափին հնարավորություն կունենանք հանգստանալ շատ հետաքրքիր ու յուրօրինակ անտառային կացարաններում: Ամբողջ ճանապարհը անցնում է զով անտառների միջով, իսկ որտեղ անտառը նոսրանում է, բացվում են հիանալի տեսարաններ: |
|
Արցախ |
Քառօրյա արշավի ընթացքում մենք կլինենք Արցախի մայրաքաղաք Ստեփանակերտում, վեհաշուք Շուշիում, Բերձոր և Մարտունի հերոս-քաղաքներում:
Արշավի շրջանակներում կայցելենք Ծիծեռնավանքի, Գտչավանքի, Ամարասի և Գանձասարի վանական համալիրներ, Բովուրխանավանքի, Ննգիջանի, Բռի Եղցի ու Շոշկա վանքեր, Բերձորի, Շուշիի Ղազանչեցոց ու Կանաչ ժամ եկեղեցիներ, Շուշիի, Մայրաբերդի ու Տիգրանակերտի հզոր ամրոցներ, Շուշիի ու Ստեփանակերտի երկրագիտական ու Նիկոլ Դումանի տուն-թանգարաններ, Սխտորաշենի հսկա տարեց սոսու ծառ և բազմաթիվ այլ բնական հուշարձաններ: |
 |
© 2006-2010 Baghdasaryan Brothers. All rights reserved. Design & development by INFOstream. |
|
home | about us | our projects | partners | contacts |