| ||||||||
|
| Մեր վեբ-ստուդիան |
 |
Արշավախմբեր
 | ԱՍ արշավային ակումբ |
| Արշավականներ |
| Արշավներ առանց սահմանի |
| Բնատաճար |
| Հայ Արշավական |
| Ճանաչենք Հայաստանը |
| Ճանապարհորդ |
| Exploring Armenia |
| FindArmenia |
Հետաքրքիր միջոցառումներ
Արշավախմբեր
Կյանքը հիասքանչ է, երբ գիտես, թե ինչ է տուրիզմը, հատկապես` լեռնային տուրիզմն ու արշավագնացությունը:
Հայաստանը եզակի երկիր է, որտեղ արշավները ձեռք են բերում բացառիկ հետաքրքրություն: Այստեղ բացի բնության գեղատեսիլ վայրերից, կան նաև բազմաթիվ պատմական հուշարձաններ, որոնք ունեն կարևոր նշանակություն ոչ միայն հայ ժողովրդի, այլև համայն մարդկության համար՝ ինչպես պատմա-մշակութային, այնպես էլ հոգևոր առումով:
Այժմ բազմաթիվ մարդիկ, որոնք ունեն մեծ փորձ ու հմտություն արշավների կազմակերպման հարցում, իրենց պարտքն են
համարում ձեռք մեկնել նրանց, ովքեր ցանկանում են ճանաչել Հայաստանը: Այդպիսով նրանք հասանելի են դարձնում զբոսաշրջիկությունը Հայաստանում: Ոմանք համախմբում են մեծ արշավախմբեր, ոմանք սահմանափակվում են ընկերական նեղ շրջապատներով: Ողջունելի´ է նրանց գործունեությունը:
Անշուշտ` FindArmenia.com կայքը չէր արդարացնի իր անվանումը, եթե չներկայացներ նրանց,ովքեր Մեծ գործ են կատարում Հայաստանի ճանաչման հարցում:
Եթե դուք նույնպես կազմակերպում եք արշավներ, ապա կարող եք գրանցվել կայքում, և համատեղ ուժերով կփորձենք Հայաստանում զարգացնել արշավագնացությունը` մեր չքնաղ հայրենիքի ճանաչման լավագույն միջոցը:
|
|
Սպասվում է փոքրիկ քայլարշավ Տավուշի գեղեցիկ անտառային կածաններով: Կտեսնենք Մակարավանք և Ջուխտակ միջնադարյան վանքային համալիրները, կլինենք Մորո Ձորո վանքում (Ծռվիզի վանք), կգնանք նաև Մաթոսավանք: |
|
Կլինենք Հայաստանի բացառիկ գողտրիկ անկյուններից մեկում` Արփա գետի վտակ Հերհերի ավազանում, ուր կան ինչպես պատմաճարտարապետական ուշագրավ հուշարձաններ` Հերհերի Ս.Սիոն վանական համալիրը, Չիքի վանքն ու Կապույտ ամրոցը, Կարմրաշենի խաչքար-մահարձանն ու խաչքարերով հարուստ գյուղատեղին, այնպես էլ բնական գողտրիկ հուշարձաններ` Հերհերի ու Քարավազի չքնաղ ջրվեժները Հերհեր գետի վերին հոսանքում, ինչպես նաև Բազմաղբյուր և Ս.Գևորգ բնական աղբյուրները: Արշավի վերջնամասում մեզ սպասում է թեթև ու հաճելի վերելք դեպի տեղանքում իշխող Վայոց սար (Դալիկ) հրաբխային գագաթը /2581 մ/: |
|
Արշավը սկսելու ենք Վերնաշեն գյուղի Սբ.Հակոբ եկեղեցու մոտից, որտեղ այժմ Գլաձորի համալսարանի թանգարանն է: Գեղատեսիլ ձորով կբարձրանանք Սպիտակավոր վանքը: Վանքի տարածքում է հայ մեծ զորավար Գարեգին Նժդեհի գերեզմանը: Այդտեղ նաև նկարահանվել է «Մենավոր ընկուզենի» կինոնկարը: Ճանապարհին կտեսնենք հին բնակատեղի: Սպիտակավորից կբարձրանանք Պռոշ իշխանի հզոր ռազմակայաններից մեկը` Պռոշաբերդը, որի բարձունքից բացվում է Վայոց Ձորի հիասքանչ տեսարանը: |
 |
© 2006-2010 Baghdasaryan Brothers. All rights reserved. Design & development by INFOstream. |
|
home | about us | our projects | partners | contacts |